(461) SOUS LE RÈGNE DE CHARLES VI. 221

et donna à Perrenot de Breban, son nepveu, filz des diz maistre Jehan de Breban et Agnès, sa femme, pour le bien et avancement de lui, et pour luy aidier à tenir aux escoles.

Item, laissa encores et donna à Coleté de Chaumontel son seur-cot d'escarlate vermeille, fourré de menu vair, avecques ycelle penne.

Item, elle laissa à Pierre de Precy, dessus nommé, son mary, ce present testament acompli, tout le résidu de ses biens meubles et immeubles quelzconques, acquis durant le mariage de son dit mary et d'elle, par tele condicion que son dit mary sera tenuz paier et acquicter toutes les debtes que elle "devra et en quoy elle pourroit estre tenue en aucune maniere, et ses heritiers pour et ou nom d'elle.

Pour toutes lesqueles choses dessus dictes et chascune d'icelles faire, entériner et acomplir de point en point selon leur forme et teneur, et mettre à fin et execucion deue la dicte testateresse fist, nomma et eslit ses amez et feaulx executeurs et feaulx commissaires, c'est assavoir, le dit Pierre de Precy, son mary, le dit maistre Jehan de Breban, son nepveu, et maistre Pierre de Breban, clerc du roy nostre sire en sa Chambre des comptes, ensemble ou les deux d'iceulx, aux-quelx la dicte testaterresse donna et octroya plain povoir, auctorité et mandement especial de ce sien present testament acomplir, selon sa forme et teneur; es mains desquelz ses diz executeurs ycelle testateresse transporta et delaissa du tout la saisine et possession de tous ses biens meubles et heritages quelzconques, lesquelz elle soubzmist du tout à la jurisdicion et contrainte du roy nostre dit seigneur et de sa court de Parlement, et volt que la reddicion de ce sien present testament et tout le fait de son execucion soit fait et rendu en la dicte court de Parlement, et ce sien present testament estre enregistré en la dicte court de Parlement ou livre et registre des testamens; voulant et accordant expressement que ce sien present testament tiengne et vaille par forme de testament, de codicille et ordonnance faicte à sa derre-niere volenté, et tout par la forme et maniere que valoir devra et pourra, selon us et coustume, et rappella et revoca tous autres testamens faiz par devant le jour d'uy.



	(461) SOUS LE RÈGNE DE CHARLES VI. 221 et donna à Perrenot de Breban, son nepveu, filz des diz maistre Jehan de Breban et Agnès, sa femme, pour le bien et avancement de lui, et pour luy aidier à tenir aux escoles. Item, laissa encores et donna à Coleté de Chaumontel son seur-cot d'escarlate vermeille, fourré de menu vair, avecques ycelle penne. Item, elle laissa à Pierre de Precy, dessus nommé, son mary, ce present testament acompli, tout le résidu de ses biens meubles et immeubles quelzconques, acquis durant le mariage de son dit mary et d'elle, par tele condicion que son dit mary sera tenuz paier et acquicter toutes les debtes que elle "devra et en quoy elle pourroit estre tenue en aucune maniere, et ses heritiers pour et ou nom d'elle. Pour toutes lesqueles choses dessus dictes et chascune d'icelles faire, entériner et acomplir de point en point selon leur forme et teneur, et mettre à fin et execucion deue la dicte testateresse fist, nomma et eslit ses amez et feaulx executeurs et feaulx commissaires, c'est assavoir, le dit Pierre de Precy, son mary, le dit maistre Jehan de Breban, son nepveu, et maistre Pierre de Breban, clerc du roy nostre sire en sa Chambre des comptes, ensemble ou les deux d'iceulx, aux-quelx la dicte testaterresse donna et octroya plain povoir, auctorité et mandement especial de ce sien present testament acomplir, selon sa forme et teneur; es mains desquelz ses diz executeurs ycelle testateresse transporta et delaissa du tout la saisine et possession de tous ses biens meubles et heritages quelzconques, lesquelz elle soubzmist du tout à la jurisdicion et contrainte du roy nostre dit seigneur et de sa court de Parlement, et volt que la reddicion de ce sien present testament et tout le fait de son execucion soit fait et rendu en la dicte court de Parlement, et ce sien present testament estre enregistré en la dicte court de Parlement ou livre et registre des testamens; voulant et accordant expressement que ce sien present testament tiengne et vaille par forme de testament, de codicille et ordonnance faicte à sa derre-niere volenté, et tout par la forme et maniere que valoir devra et pourra, selon us et coustume, et rappella et revoca tous autres testamens faiz par devant le jour d'uy.